L'école de la démocratie, par KACEM

جمهورية قاسم تقدم
 

الدكــــــــــــــــتورة سكسي
في مدرسة الديمقراطية

بطولة :

ناظر المدرسة : زين العابدين بن علي
إستاذة القانون : الدكتورة رجاء بن سلامة
إستاذة الفلسفة : الدكتورة سلوى الشرفي

التـــــــــــلاميذ

قاسم قاسـم                  : رئيس الجمهورية قاسم----  تلميذ نصف مقيم
الدكتور الهاشمي الحامدي : رئيس قناة المستقلة---- تلميذ مقيـــــــــــم
الدكتور راشد الغنوشي      : رئيس حركة النهضة----  تلميذ خــــارج
الشيخ الهادي بريــــــك      : رئيس الحوار نات----- تلميذ نصف مقيم
الدكتور منصف المرزوقي     : رئيس حزب المؤتمر----تلميذ نصف مقيم  

***

إشكون منكم يا جماعة ما يذّكرشي النهار الأول متاعو في المدرسة ! و رغم فارق السّن بين التلامذة و المدّرسين سأرسم لكم يومي الأول بالمدرسة كما كان حقيقة و بدون خيال ! أما أترابي الأخرين سأترك العنان لرأسي حتى أرسم صورة لكل واحد منهم !

10 سبتمبر 1975 ، فقت فرحان، معجول وقتاش باش نمشي نقرى بالحــــق! فديت من قراية المدّب ! و من الـــــلّوح و من لابز القصب ! في الواقع ، بديت نقرى و نكتب في السنة الثالة من عمري ، قيدوني في الجامع متع الحومة ! كل يوم و على الصّباح نمشي نقرى ...حفظت جزء عاما ! بالكتيبة على اللّوح ! نحفظ قدام المدب و قدام عزيزي.

 وقت الي إرّوح ..نقرى على جدّي ! عزيزي بدى إخاف ربي و إيصلي إموخر ياسر ...كان موش لاهي بالحكاية ، كان كي دخلت أنا للمدّب، أمي كانت إتخاف وقت الي نقرى القرءان على عزيزي ...كانت إتقول : ربي يستر من ها الولد...عارفه باش إموت واحد من الجماعة...إنشاء الله خير ...

أما نهار الي حفظت البردة و بديت إنجلجل فيها أنا و جدّي ...أمي من الخوف خرجت و خلّتنا وحدنا ...فهمت من بعد الي أمي إتخاف من الموت لأنو البردة يقراها في الدّفينة ...كانت إتقول لسي قاسم : هز الولد لمدرسة باهية ما فيهاش الحديث متع الموت هذا ...قرّي الولد حاجة أخرى ...صنعة مثلا ..! راهو حتى من الصّمغ ولدك قاسم ماعاش سادو ...ما إتقوليش فاش يكتبو يا راجل ...إسمع يا سي قاسم ...أنا ولدي راهو ما نحبوش يطلع مــــــدب ! أمي ما شافتش جــــــــدي ...يسترق السمع و هو إصلـــــــــــــي !

الرّاجل قاعد إتحي و إزكي ...في عوض باش إقول التّحيات الله الزّكيات لله ...أقول يا خرّافة خرّفي ...في الوقت هذاك أنا نعرف إنصلي و المدب علّمنا الصّلاة و كل شيئ ...إمشيتلو ...أشبيك يا جـــدي...... قتلو ...ألتوه ما حفضتش التّشهيد !!!!! إتحملني جدي ...و قال لولدو سي قاسم ...تعرف يا ولد كان موش من قاسم راني كنت باش إنموت كافر ...الولد هذا علّمني الصّلاة و علّمني الشهادة و علّمني القرأن ...قـــــول لزينب تخطانا ...و إتخلينا أصحاب ! يا قاسم يا وليدي...قاسم هذا إنحبــــــــــو إيزيد يحفظ و يحفظني القرأن الكل ! قبل ما إنموت ...بابا ! إحب بوه بشكل كبير...إقولو ...إطول عمرك ...و ربي ما يحرمنى منك ...مازال العمر طويل ! في الليلة هذيك من غدوه باش ندخل فيها المدرسة مات جدي ..بعد لا قرى عليه سي قاسم سورة يــــــــس خمسة مرّة و قريت أنا الي حفظتو من القرأن الكل

 !

La suite sur cette adresse:

http://membres.lycos.fr/elkhadra1/arab.docx