Overblog Suivre ce blog
Editer l'article Administration Créer mon blog

Recherche

20 février 2011 7 20 /02 /février /2011 14:13

 

HORR.jpg
يا صاحبي الكوراج والانتوراج وقوة الباقاج و شدان الصحيح قدام الباراج، المشكلة يا وخياني اللّي يحس بالخطر يقول كس و يجئ فوق السطح، يعملوها لكبار و يوحلو فيها الصغار. الجماعة البوليتيك؟ فيهم كان الكلام ونهارت الشعب يتحرك و يبدى الكرتوش خدام يجيبوها البرة ويعملو لجوء. الصغار يشدو الحبس والطالب يطردوه و يولي يطلب، والطبيب يولي تببيب والاستاذ يولي تقاز والدكتور يولي طرطور. هذا حال اللّي ما عندو دليل وما عندو كتف يطيح عليه الرزين، نرجعو للكوراج يبدا بالي عندهم مشروع البديل و يرفعو ريوسهم موش المنديل ويزيدو القدام موش يطيرو ويتخباو كيف الحمام؟ ما يهمش الدنيا فيها الموت والموت جايا جايا بالكرتوش وإلا تحت الدوش وإلا بسقطه قلبية فوق الفراش مفروش.
آلور يا صاحبي موتة رجال واتو اتبعك الرجال والشعب وقتها كيف يشوف الشعار ولى فوق الارض شعال يشعل و ما يخوفو لا مولوتوف ولا بوب ولا عسكر جرار. الكوراج موش شعار ولا لافتة متاع جريدة ؟ الكوراج موش اذاعة ولا راديون ؟ الكوراج موش تنظير بالتالفون؟ الكوراج موش سبان في الشعب و اتهامو بالخوف والجبن؟ الكوراج موش مساومة على منصب وإلا كرسي صغير لايدفي و لايبرد المواطن القليل؟ الكوراج موش تسكير الفم و قلبان الفيستة وشدان سفارة في ادغال افريقيا ولا منصب في برلمان الواق الواق؟ الكوراج موش ترهدين واعطيني كعبة حلوى وإلا أتو نبكي؟ الكوراج موش بكاء و نويح؟ الكوراج شد صحيح و"يوشنكا ماهوش خير منا وإلا ثقافتو و تاريخو أغنى منا ؟ آما على قدر العزيمة تجي للدكتاتور الهزيمة ؟
المهم كيف نتفاهمو على مصلحة الشعب التونسي موش مصلحة يوشنكا على خاطر الجماعة الكلهم يحبو يوليو يوشنكات؟ و كل واحد يلعب تحت الطاولة ويلوج على مصلحتو و الزابا الزابا يشيخ على الترهدين و التكنبين وكل واحد يزغرطلو في وذنوو يقلو اللّي عندك ما عند حد.
و انا يظهرلي البرقدان والمادالينة و المسكي و الطامسون اللّي عندنا ما تلقاشي أحلى منّو لا في أوكرانيا و لا في هولاندا. البرتقالي اللّي عندنا يكفي الشعب التونسي بكلو. البرتقالي موجود ولكن يوشنكا يجيبو ربي والشعب التونسي كيما قال بورقيبة عمرو ما يعمل على جواد خاسر وكس إيجى فوق السطح.
الشعب التونسي في كل زنقة وفي كل حومة و في كل قهوة يحكي على الفساد واللّي صاير في لبلاد يحكي على المافيا يحكي على التهريب يحكي على السحر والسحارة اللّي شادين القصر و لكن كيما هي عادة الشعب و الشعوب يستناو في عصاة موسى اللّي تخلصهم من السحر و السحارة...
إذا نرجعو للكوراج والرجوع لربّي، الكوراج هو انا وانت وهوما والكل في الكل نزيدوا على قدام وآش عليك في الكرتوش متاع البوب إذا بدا خدام ؟ الكرتوش يوفى و مسيرة الرجال تسير ما يوقفها حيط و لا واد ولا باراج و لا بوتيياج و لا ... و لا ... و لا ...
حتى حاجة في هاذي الدنيا ما تقدر توقف الطوفان اذا هب واذا شد.
أنا وإنت ووما ... الطوفان على الظلم و القهر.
tunezine chanfara-ched-sifo

Partager cet article

Repost 0

commentaires

Articles Récents

Liens